വടകര: ദേശീയ പാതയിൽ ടാങ്കർ ലോറിയും സ്കൂട്ടറും കൂട്ടിയിടിച്ച് യുവാവ് മരിച്ചു. വടകര നാദാപുരം റോഡിൽ
കെ ടി ബസാറിൽ രയരങ്ങോത്ത് പാറപ്പൊത്തിൽ അനന്തു (29 ) ആണ് മരിച്ചത്. ദേശീയ പാതയിൽ വടകര പാർക്കോ ഹോസ്പിറ്റലിന് സമീപം ഇന്നലെ രാത്രി 10.30 ഓടെയാണ് അപകടം. അപകടം സംഭവിച്ച്‌ 15 മിനുട്ടോളം റോഡിൽ കിടക്കുകയുണ്ടായി. പിന്നീട് സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
അനന്തു
സ്കൂട്ടറിൽ ബസിടിച്ച് പരിക്കേറ്റയാൾ മരിച്ചു
വടകര : വടകരയിൽ കഴിഞ്ഞ ദിവസം സ്കൂട്ടറിൽ ബസിടിച്ച് പരിക്കേറ്റയാൾ മരിച്ചു. മടപ്പള്ളി സ്വദേശി കിഴക്കെ പറമ്പത്ത് രാജീവന്‍ ( 51) ആണ് മരിച്ചത്. ദേശീയ പാത -ലിങ്ക് റോഡ് ജംഗ്ഷനിൽ ഇന്നലെ വൈകീട്ടായിരുന്നു അപകടം. സ്കൂട്ടറിലിടിച്ച ശേഷം ബസ് രാജീവന്റെ ദേഹത്ത് കയറിയിറങ്ങിയിരുന്നു. ഗുരുതരമായി പരിക്കേറ്റ രാജീവനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും പുലർച്ചെയോടെ മരണമടയുകയായിരുന്നു. ഭാര്യ: ഷൈമ. മക്കൾ: ഫെബിൻ രാജ്, ഷാൻ കൃഷ്ണ
