ന്യൂഡൽഹി: വനിത ജീവനക്കാർക്കും വിഭാര്യരായ പുരുഷ ജീവനക്കാർക്കും സർവിസ് കാലയളവിൽ 730 ദിവസം ശിശുസംരക്ഷണ അവധിക്ക് അർഹതയുണ്ടെന്ന് കേന്ദ്രസഹമന്ത്രി ജിതേന്ദ്രസിങ് ലോക്സഭയിൽ അറിയിച്ചു.
സിവിൽ സർവിസിലും മറ്റു കേന്ദ്രസർക്കാർ സർവിസിലും അവധി ബാധകമാണ്. കുട്ടികൾക്ക് 18 വയസ്സാകുന്നതുവരെ ഈ അവധി ഉപയോഗിക്കാം. ആദ്യത്തെ രണ്ടു കുട്ടികളുടെ സംരക്ഷണത്തിനാകും അവധി. ഭിന്നശേഷിക്കാരായ കുട്ടികളുടെ കാര്യത്തിൽ പ്രായപരിധി ബാധകമല്ല.
