ഹരിയാന ആസ്ഥാനമായുള്ള ഇലക്ട്രിക് ഇരുചക്ര വാഹന നിർമ്മാതാക്കളായ സെലിയോ ഇലക്ട്രിക് മൊബിലിറ്റി ആഭ്യന്തര വിപണിയിൽ വിൽപ്പനയ്‌ക്കായി ഏറ്റവും താങ്ങാനാവുന്ന വിലയുള്ള ഇലക്ട്രിക് സ്‌കൂട്ടർ ഔദ്യോഗികമായി പുറത്തിറക്കി. ലിറ്റിൽ ഗ്രേസി എന്നാണ് ഈ സ്‍കൂട്ടറിന്‍റെ പേര്. വളരെ വ്യത്യസ്തമായ രൂപവും രൂപകൽപ്പനയുമുള്ള ഈ സ്‍കൂട്ടറിന്റെ പ്രാരംഭ എക്സ്-ഷോറൂം വില വെറും 49,500 രൂപയിൽ ആരംഭിക്കുന്നു. 10-18 വയസ് പ്രായമുള്ളവർക്ക് എളുപ്പത്തിൽ ഓടിക്കാൻ കഴിയുന്ന ഒരു ലോ-സ്‍പീഡ് ഇലക്ട്രിക് സ്‍കൂട്ടറാണിത്.

ഇതൊരു ലോ-സ്പീഡ് ഇലക്ട്രിക് സ്‍കൂട്ടർ ആയതിനാൽ, ഇതിന്റെ ഉയർന്ന വേഗത മണിക്കൂറിൽ 25 കിലോമീറ്ററിൽ താഴെയാണ്. അത്തരമൊരു സാഹചര്യത്തിൽ, മോട്ടോർ വാഹന നിയമം അനുസരിച്ച്, ഈ ഇലക്ട്രിക് സ്‍കൂട്ടർ ഓടിക്കാൻ ഡ്രൈവിംഗ് ലൈസൻസ് ആവശ്യമില്ല. ഈ സ്‍കൂട്ടർ ആകെ നാല് കളർ ഓപ്ഷനുകളിലാണ് അവതരിപ്പിച്ചിരിക്കുന്നത്. ഇതിൽ മോണോടോണിന് പുറമെ, ഡ്യുവൽ-ടോൺ കളർ ഓപ്ഷനും ഉണ്ട്.

10 നും 18 നും ഇടയിൽ പ്രായമുള്ളവർക്ക് ഈ സ്കൂട്ടറുകൾ എളുപ്പത്തിൽ ഓടിക്കാൻ കഴിയുമെന്ന് കമ്പനി പറയുന്നു. അതായത് സ്‍കൂൾ, കോളേജ് വിദ്യാർത്ഥികൾക്ക് ഈ സ്‍കൂട്ടർ വളരെ അനുയോജ്യമാകും. അതിന്റെ ഏപ്രണിൽ തന്നെ വൃത്താകൃതിയിലുള്ള ഒരു ഹെഡ്‌ലൈറ്റ് നൽകിയിട്ടുണ്ട്. മഞ്ഞ നിറവും പച്ച നിറങ്ങളും ചേർന്നത് അതിനെ വളരെ ട്രെൻഡിയാക്കുന്നു.

ഈ ഇലക്ട്രിക് സ്കൂട്ടറിൽ, കമ്പനി 1.5kW ഇലക്ട്രിക് മോട്ടോർ നൽകിയിട്ടുണ്ട്, അതിന്റെ പരമാവധി വേഗത മണിക്കൂറിൽ 25 കിലോമീറ്ററാണ്. ഈ സ്കൂട്ടറിന്റെ ഭാരം വഹിക്കാനുള്ള ശേഷി 150 കിലോഗ്രാം ആണെന്ന് കമ്പനി പറയുന്നു. അതായത് രണ്ട് ചെറുപ്പക്കാർക്ക് ഈ സ്കൂട്ടറിൽ എളുപ്പത്തിൽ ഇരിക്കാൻ കഴിയും. 60V/30AH ശേഷിയുള്ള ലിഥിയം-അയൺ ബാറ്ററി പായ്ക്കാണ് ഇതിനുള്ളത്. ഒറ്റ ചാർജിൽ 60 മുതൽ 90 കിലോമീറ്റർ വരെ ഡ്രൈവിംഗ് റേഞ്ച് നൽകാൻ ഈ സ്‍കൂട്ടറിന് കഴിയുമെന്ന് കമ്പനി അവകാശപ്പെടുന്നു.

സ്‍കൂട്ടറലെ ഫീച്ചറുകളെക്കുറിച്ച് പറയുകയാണെങ്കിൽ, ഈ ക്യൂട്ട് ഇലക്ട്രിക് സ്കൂട്ടറിൽ ഡിജിറ്റൽ ഇൻസ്ട്രുമെന്റ് കൺസോൾ, യുഎസ്ബി ചാർജിംഗ് പോർട്ട്, സെൻട്രൽ ലോക്ക്, ആന്റി-തെഫ്റ്റ് അലാറം, റിവേഴ്സ് മോഡ്, പാർക്കിംഗ് സ്വിച്ച് എന്നിവയുണ്ട്. ലിറ്റിൽ ഗ്രേസി സ്‍കൂട്ടറിന്‍റെ വില കണക്കിലെടുക്കുമ്പോൾ, ഇത് ദൈനംദിന ഉപയോഗത്തിന് നല്ലൊരു ഓപ്ഷനായിരിക്കും.

ഈ ഇലക്ട്രിക് സ്‍കൂട്ടറിന്റെ പ്രവർത്തനച്ചെലവ് കിലോമീറ്ററിന് 25 പൈസ മാത്രമാണെന്ന് ജെലിയോ മൊബിലിറ്റി അവകാശപ്പെടുന്നു. കാരണം ഇതിന്റെ ബാറ്ററി പൂർണ്ണമായി ചാർജ് ചെയ്യാൻ 1.5 യൂണിറ്റ് വൈദ്യുതി മാത്രമേ ഉപയോഗിക്കുന്നുള്ളൂ. അതായത് വെറും 15 രൂപ മാത്രം ചെലവിൽ ഈ സ്‍കൂട്ടർ ഉപയോഗിച്ച് 60 കിലോമീറ്റർ വരെ സഞ്ചരിക്കാം. ഇത് മറ്റേതൊരു സ്‍കൂട്ടറിനെക്കാളും വളരെ ലാഭകരമാണ്.  സ്‍കൂട്ടറിന് മുന്നിൽ ടെലിസ്കോപ്പിക് ഫോർക്കും പിന്നിൽ ഷോക്ക് അബ്സോർബർ സജ്ജീകരണവുമുണ്ട്. സ്‍കൂട്ടറിന് ഇരുവശത്തും 10 ഇഞ്ച് വീലുകൾ ലഭിക്കുന്നു. സിയറ്റ് ടയറുകൾ ഘടിപ്പിച്ചിരിക്കുന്നു. ഇരുവശത്തുമുള്ള ഡ്രം യൂണിറ്റുകളാണ് ബ്രേക്കിംഗ് നടത്തുന്നത്. സ്‍കൂട്ടറിന്റെ ശക്തിയും വലുപ്പവും അനുസരിച്ച് ബ്രേക്കുകൾ മെച്ചപ്പെടുത്തിയിട്ടുണ്ട്.

അധിക സൗകര്യത്തിനായി റിവേഴ്‌സ് ഗിയറും പാർക്കിംഗ് സ്വിച്ചും, സുഗമമായ പ്രവർത്തനം ഉറപ്പാക്കാൻ ഓട്ടോ-റിപ്പയർ സ്വിച്ചും ഇതിലുണ്ട്. സ്‍കൂട്ടറിൽ മുന്നിലും പിന്നിലും ഹൈഡ്രോളിക് സസ്‌പെൻഷനും ഡ്രം ബ്രേക്കുകളും ഉണ്ട്, ഇത് സുഖകരവും സുരക്ഷിതവുമായ യാത്ര ഉറപ്പാക്കുന്നു. പിങ്ക്, ബ്രൗൺ/ക്രീം, വെള്ള/നീല, മഞ്ഞ/പച്ച എന്നീ നാല് നിറങ്ങളിൽ ലിറ്റിൽ ഗ്രേസി ലഭ്യമാണ്.