പയ്യോളി: പയ്യോളി – പേരാമ്പ്ര റൂട്ടിൽ കെ.എസ്.ആർ.ടി.സി.യുടെ പ്രിയദർശിനി ബസ് സർവീസ് ആരംഭിക്കണമെന്ന് ആവശ്യപ്പെട്ടുകൊണ്ട് പയ്യോളി മണ്ഡലം ഐ.എൻ.ടി.യു.സി. ഗതാഗത വകുപ്പിന് നിവേദനം നൽകി. പയ്യോളിൽ നിന്ന് 18 കിലോമീറ്റർ ദൂരമുള്ള പേരാമ്പ്ര റൂട്ടിൽ നിലവിൽ കെ.എസ്.ആർ.ടി.സി.യുടെ യാതൊരുവിധ സർവീസുകളും നിലവിലില്ല.
യാത്രാക്ലേശം രൂക്ഷമായ ഈ റൂട്ടിൽ കെ.എസ്.ആർ.ടി.സി. ബസ് സർവീസ് ആരംഭിക്കണമെന്നത് യാത്രക്കാരുടെ വർഷങ്ങളായുള്ള ആവശ്യമാണ്. നിവേദനം സമർപ്പിച്ച ചടങ്ങിൽ പയ്യോളി മണ്ഡലം ഐ.എൻ.ടി.യു.സി. പ്രസിഡന്റ് മനോജ് എൻ.എം., റീജിയണൽ സെക്രട്ടറിമാരായ സോമൻ ടി.ടി., അനിൽകുമാർ പള്ളിക്കര, കുട്ടൻപള്ളി പ്രജീഷ്, എം.കെ. മുനീർ എന്നിവർ സംബന്ധിച്ചു.
