കോതമംഗലം > നടൻ നിവിൻ പോളിക്കെതിരായ പീഡനക്കേസിൽ പരാതിക്കാരിയുടെ പേരും ചിത്രവും പ്രസിദ്ധീകരിച്ച 12 യു ട്യൂബ് ചാനലുകൾക്കെതിരെ ഊന്നുകൽ പൊലീസ് കേസെടുത്തു.
നേര്യമംഗലം സ്വദേശിനിയുടെ പരാതിയിൽ നിവിൻ പോളി ഉൾപ്പെടെ ആറുപേർക്കെതിരെ കേസ് എടുത്തിരുന്നു. ഇതിനുപിന്നാലെയാണ്‌ പരാതിക്കാരിയുടെ പേരും ചിത്രവും ഉൾപ്പെടുത്തി യു ട്യൂബ് ചാനലുകളിൽ വാർത്ത വന്നത്. യു ട്യൂബർമാർക്കെതിരെ തിങ്കളാഴ്ചയാണ്‌ യുവതി പൊലീസിൽ പരാതി നൽകിയത്.
