കോട്ടയം > പുതുപ്പള്ളി നിയോജകമണ്ഡലത്തിലെ എൽഡിഎഫ്‌ സ്ഥാനാർഥി ജെയ്ക് സി തോമസ് ബുധനാഴ്‌ച നാമനിർദേശപത്രിക സമർപ്പിക്കും. രാവിലെ പത്തിന്‌ സിപിഐ എം ജില്ലാ കമ്മിറ്റി ഓഫീസിൽനിന്ന്‌ പുറപ്പെടും. പകൽ 11 ന് കോട്ടയം ആർഡിഒ മുമ്പാകെയാണ്‌ പത്രികാസമർപ്പണം.
എൽഡിഎഫ്‌ മണ്ഡലം കൺവൻഷൻ ഇന്ന്‌: എം വി ഗോവിന്ദൻ ഉദ്ഘാടനം ചെയ്യും
കോട്ടയം > എൽഡിഎഫിന്റെ പുതുപ്പള്ളി അസംബ്ലി മണ്ഡലം തെരഞ്ഞെടുപ്പ്‌ കൺവൻഷൻ ബുധൻ വൈകിട്ട്‌ നാലിന്‌ മണർകാട്‌ സിപിഐ എം സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനം ചെയ്യുമെന്ന് ജില്ലാ കൺവീനർ പ്രൊഫ. ലോപ്പസ് മാത്യു പറഞ്ഞു.
മുന്നണി നേതാക്കളായ ജോസ് കെ മാണി എംപി, ബിനോയ് വിശ്വം എംപി, പി സി ചാക്കോ, ഡോ. വർഗീസ് ജോർജ്, ഡോ. കെ സി ജോസഫ്, മാത്യു ടി തോമസ് എംഎൽഎ, രാമചന്ദ്രൻ കടന്നപ്പള്ളി എംഎൽഎ, കെ ബി പ്രേംജിത്ത്, ബിനോയ് ജോസഫ്, കാസിം ഇരിക്കൂർ എന്നിവർ സംസാരിക്കും.
17, 18 തീയതികളിൽ നിയോജകമണ്ഡലത്തിലെ എട്ട്‌ പഞ്ചായത്തുകളിലായി 21 മേഖലാ യോഗങ്ങൾ ചേരും. 22ന് വനിത അസംബ്ലിയും 23, 24 തീയതികളിലായി 21 കേന്ദ്രങ്ങളിൽ വികസന സന്ദേശ സമ്മേളനവും നടക്കും. 24, 25 , 26 സെപ്തംബർ ഒന്ന്‌, രണ്ട്‌ തീയതികളിൽ പൊതുപര്യടനം നടത്തും.
