കൽപ്പറ്റ> മദ്യപിച്ച്‌ സുഹൃത്തുക്കൾതമ്മിലുണ്ടായ സംഘർഷത്തിൽ പരിക്കേറ്റ യുവാവ് മരിച്ചു. കൽപ്പറ്റ പുത്തൂർവയൽ തെങ്ങുതൊടിയിൽ നിഷാദ് ബാബു (40) ആണ് മരിച്ചത്. ചൊവ്വ പകൽ ഒന്നോടെ കൽപ്പറ്റ ബിവറേജസ് കോർപ്പറേഷന്റെ ഔട്ട് ലെറ്റ് പരിസരത്തായിരുന്നു സംഘർഷം.
മദ്യലഹരിയിലായിരുന്ന നിഷാദും സുഹൃത്തുക്കളും വീണ്ടും മദ്യം വാങ്ങാനെത്തിയപ്പോഴാണ് വാക്കുതർക്കമുണ്ടായത്. സംഘർഷത്തിനിടയിൽ തലയ്ക്ക് പരിക്കേറ്റ നിഷാദ് ബാബു പരിക്ക് ഗൗനിക്കാതെ ബസിൽ കൽപ്പറ്റ സ്റ്റാഡിലേക്ക് പോകുംവഴി കുഞ്ഞു വീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കൽപ്പറ്റ ജനറൽ ആശുപത്രി മോർച്ചറിയിൽ. സംഭവത്തിൽ നിഷാന്ത്‌ ബാബുവിന്റെ സുഹൃത്തുക്കളിൽ ഒരാളെ കൽപ്പറ്റ പൊലീസ്‌ കസ്‌റ്റഡിയിലെടുത്തിട്ടുണ്ട്‌.
