പീരുമേട്: നിയന്ത്രണം വിട്ട കെഎസ്ആര്‍ടിസി ബസ് റോഡില്‍ നിന്ന് തെന്നിമാറി അപകടം. കുമളിയില്‍ നിന്ന് കൊല്ലത്തേക്ക് പോകുകയായിരുന്ന ബസ്സാണ് അപകടത്തില്‍പ്പെട്ടത്.
കൊട്ടരക്കര ഡിണ്ടിഗല്‍ ദേശീയപാതയില്‍ പീരുമേട് കരടിക്കുഴി 56ാം മൈലില്‍ അയ്യപ്പാ കോളേജിന് സമീപം രാവിലെ അഞ്ചുമണിയോടെയാണ് അപകടം ഉണ്ടായത്.ബസ്സിന്റെ പിന്‍ചക്രം സംരക്ഷണഭിത്തിയില്‍ തങ്ങി നിന്നതിനാല്‍ വലിയ അപകടം ഒഴിവായി.
താഴെ സ്വകാര്യ കോളേജിലെ ഹോസ്റ്റല്‍ സ്ഥിതിചെയ്യുന്നുണ്ട് ഇതിന്റെ മതിലിലാണ് ബസ് തങ്ങി നിന്നത്.അപകടസമയത്ത് ഹോസ്റ്റലില്‍ വിദ്യാര്‍ഥികളടക്കം നിരവധി പേരുണ്ടായിരുന്നു.
ബസില്‍ ഏഴ് യാത്രക്കാരാണ് ഉണ്ടായിരുന്നത്. ഇവര്‍ക്കാര്‍ക്കും പരിക്കുകള്‍ ഇല്ല. ഫയര്‍ഫോഴ്‌സ്, പൊലീസ്, മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്റ് എന്നിവര്‍ സ്ഥലത്തെത്തി.ബസ് താഴേക്ക് പതിച്ചിരുന്നെങ്കില്‍ വലിയ ദുരന്തം സംഭവിക്കുമായിരുന്നു.
