ന്യൂഡൽഹി: ഗസ്സയിലെ നരനായാട്ടിൽ പ്രതിഷേധിച്ച് ഡൽഹിയിലെ ഇസ്രായേൽ എംബസിയിലേക്ക് എസ്.എഫ്.ഐ നടത്തിയ മാർച്ചിനിടെ സംഘർഷം. എംബസിയിലേക്കുള്ള മാർച്ച് വഴിയിൽ തടഞ്ഞ പൊലീസ് പ്രതിഷേധിച്ച പ്രവർത്തകരെ കസ്റ്റഡിയിലെടുത്തു. ദേശീയ അധ്യക്ഷൻ വി.പി. സാനു ഉൾപ്പെടെ നേതാക്കൾ കസ്റ്റഡിയിലാണ്.
എസ്.എഫ്.ഐ പ്രതിഷേധത്തെ നേരിടാൻ വൻ പൊലീസ് സന്നാഹം തന്നെ ഒരുക്കിയിരുന്നു. നേരത്തെ പ്രതിഷേധത്തിന് അനുമതി തേടി എസ്.എഫ്.ഐ നേതൃത്വം പൊലീസിനെ സമീപിച്ചെങ്കിലും നിഷേധിക്കുകയായിരുന്നു. തുടർന്നാണ് തെരുവിലിറങ്ങാൻ എസ്.എഫ്.ഐ തീരുമാനിച്ചത്.
Join our whatsapp group
