ജെറുസലേം: ഇസ്രയേൽ ബന്ദികളെ വിട്ടയച്ചില്ലെങ്കിൽ വിശുദ്ധ മാസമായ റമദാനിലും ഗാസ മുനമ്പിലെ ആക്രമണം തുടരുമെന്ന് ഇസ്രയേൽ യുദ്ധകാല കാബിനറ്റ് മന്ത്രി ബെന്നി ഗാന്റ്‌സ്‌ മുന്നറിയിപ്പ് നൽകി.
ഒന്നുകിൽ ബന്ദികളാക്കിയവരെ തിരിച്ചയക്കുക, അല്ലെങ്കിൽ ഞങ്ങൾ യുദ്ധം റഫയിലേക്ക് നീട്ടും,” ബെന്നി ഗാന്റ്‌സ്‌ വീഡിയോ പ്രസ്‌താവനയിൽ പറഞ്ഞു. ബന്ദികളെ തിരിച്ചയക്കുന്നതുവരെ ഒരു ദിവസം പോലും വെടിനിർത്തൽ ഉണ്ടാകില്ലെന്നും ഇസ്രായേൽ ലക്ഷ്യങ്ങൾ കൈവരിക്കുമെന്നും ഗാന്റ്‌സ്‌ പറഞ്ഞു.
ഗാസയിലെ തെക്കേ അറ്റത്തുള്ള നഗരത്തിലേക്ക് ഗ്രൗണ്ട് ഓപ്പറേഷൻ ആരംഭിക്കുന്നതിന് മുമ്പ് റാഫയിലെ താമസക്കാരെ ഒഴിപ്പിക്കുമെന്ന്‌ സിൻഹുവ വാർത്താ ഏജൻസി ഗാന്റ്‌സിനെ ഉദ്ധരിച്ച് റിപ്പോർട്ട് ചെയ്‌തു.
