കോട്ടയം: വോട്ടെണ്ണൽ രണ്ടു മണിക്കൂർ പിന്നിട്ടപ്പോൾ ലീഡ് 39,000 ആക്കി ഉയർത്തി യു.ഡി.എഫ് സ്ഥാനാർഥി ചാണ്ടി ഉമ്മൻ. പുതുപ്പള്ളി ഉപതെരഞ്ഞെടുപ്പിലെ വോട്ടെണ്ണൽ ആരംഭിച്ചത് മുതൽ ചാണ്ടി ഉമ്മൻ ലീഡ് നിലനിർത്തുകയാണ്. ആദ്യ ഫലസൂചന പുറത്തുവന്നപ്പോൾ മുതൽ ചാണ്ടി ഉമ്മൻ മുന്നിലായിരുന്നു.
പുതുപ്പള്ളി നിയോജകമണ്ഡലത്തിലെ പുതിയ നായകൻ ആരെന്ന് അറിയാനുള്ള വോട്ടെണ്ണൽ കോട്ടയം ബസേലിയസ് കോളജിലെ കേന്ദ്രത്തിലാണ് നടക്കുന്നത്.
ചൊവ്വാഴ്ചയായിരുന്നു മണ്ഡലത്തിൽ വോട്ടെടുപ്പ് നടന്നത്. 72.86 ശതമാനമായിരുന്നു പോളിങ്. ഏഴു സ്ഥാനാർഥികളാണ് മത്സരിച്ചത്. ഉമ്മൻ ചാണ്ടിയുടെ പിൻഗാമിയായാണ് മകൻ ചാണ്ടി ഉമ്മൻ യു.ഡി.എഫ് സ്ഥാനാർത്ഥിയായത്. ജെയ്ക് സി. തോമസാണ് ഇടതു സ്ഥാനാർഥി. എൻ.ഡി.എ സ്ഥാനാർഥി ലിജിൻ ലാൽ ആണ്.
ചാണ്ടി ഉമ്മന്‍റെ ലീഡ് നില
- ആദ്യ റൗണ്ടിൽ ലീഡ് -2816
- രണ്ടാം റൗണ്ടിൽ ലീഡ് -2671
- മൂന്നാം റൗണ്ടിൽ ലീഡ് -2911
- നാലാം റൗണ്ടിൽ ലീഡ് -2962
- അഞ്ചാം റൗണ്ടിൽ ലീഡ് -2989
- ആറാം റൗണ്ടിൽ ലീഡ് -2515
