കണ്ണൂർ : ഭാര്യ വിവാഹമോചനം ആവശ്യപ്പെട്ട് കേസ് നൽകിയതിൽ പ്രകോപിതനായി യുവാവ് ഭാര്യാമാതാവിന്റെ കാറിന്റെ ടയർ കുത്തിക്കീറി. കണ്ണൂർ പരിയാരത്താണ് സംഭവം. പെരിന്തട്ട സ്വദേശി ലീന സുകുമാരന്റെ ഉടമസ്ഥതയിലുള്ള കാറിനാണ് മരുമകൻ കേടുപാടുകൾ വരുത്തിയത്.
ഓഫീസിന്റെ പാർക്കിംഗ് ഗ്രൗണ്ടിൽ നിർത്തിയിട്ടിരുന്ന സമയത്തായിരുന്നു കാറിന് നേരെ ആക്രമണം നടന്നത്. സംഭവത്തിൽ ലീന സുകുമാരന്റെ പരാതിയിൽ പരിയാരം പോലീസ് കേസെടുത്ത് അന്വേഷണം ആരംഭിച്ചു.
