കണ്ണൂർ: നൈപുണ്യ പരിശീലനത്തില് പങ്കെടുക്കുന്ന, മത്സര പരീക്ഷകള്ക്കായി തയ്യാറെടുക്കുന്നവർക്ക് മാസം 1000 രൂപ സാമ്പത്തിക സഹായം നല്കുന്ന മുഖ്യമന്ത്രിയുടെ കണക്ട് ടു വര്ക്ക് പദ്ധതിയിലേക്ക് അപേക്ഷ ക്ഷണിച്ചു.
eemployment.kerala.gov.in പോര്ട്ടല് മുഖേനയാണ് അപേക്ഷ നല്കേണ്ടത്. കേരളത്തില് സ്ഥിര താമസക്കാരായ 18 മുതല് 30 വയസ്സ് വരെയുള്ളവര്ക്ക് അപേക്ഷിക്കാം. കുടുംബ വാര്ഷിക വരുമാനം ഒരു ലക്ഷം രൂപയില് കവിയാന് പാടില്ല.
കേന്ദ്ര-സംസ്ഥാന സര്ക്കാര് വകുപ്പ്, കേന്ദ്ര സംസ്ഥാന പൊതു മേഖലാ സ്ഥാപനം, രാജ്യത്തെ അംഗീകൃത സര്വകലാശാല/ ഡീംഡ് സര്വകലാശാല എന്നിവിടങ്ങളില് നൈപുണ്യ പരിശീലനം നടത്തുന്നവരോ, വിവിധ മത്സര പരീക്ഷകള്ക്ക് തയ്യാറെടുക്കുന്നവരോ ആയിരിക്കണം അപേക്ഷകര്.
അപേക്ഷ ലഭിക്കുന്ന തീയതിയുടെ മുന്ഗണനാ ക്രമത്തിലാണ് സാമ്പത്തിക സഹായം ലഭിക്കുന്നത്. നൈപുണ്യ പരിശീലനം, മത്സര പരീക്ഷ പരിശീലനം എന്നിങ്ങനെ ഏത് വിഭാഗത്തിൽ ആയാലും ഒരു വ്യക്തിയ്ക്ക് ഒരു തവണ പരമാവധി 12 മാസത്തേക്ക് മാത്രമേ സ്കോളര്ഷിപ്പ് ലഭിക്കുകയുള്ളു.
ഏതെങ്കിലും തരത്തിലുള്ള സാമൂഹ്യ ക്ഷേമ പെന്ഷന് ലഭിക്കുന്നവര് ഈ പദ്ധതിയുടെ ആനുകൂല്യത്തിന് അര്ഹരല്ല. വിവരങ്ങള്ക്ക് മട്ടന്നൂര് എംപ്ലോയ്മെന്റ് എക്സ്ചേഞ്ചുമായി ബന്ധപ്പെടാം. ഫോണ്: 04902 474 700.
