മലപ്പുറം: മലപ്പുറത്ത് ഒട്ടകങ്ങളെ കൊന്ന് ഇറച്ചി വില്‍ക്കാന്‍ നീക്കം. കാവനൂരിലും ചീക്കോടിലുമായി അഞ്ച് ഒട്ടകങ്ങളെ കൊന്ന് ഇറച്ചി വില്‍ക്കാനാണ് നീക്കം. വാട്ട്‌സ്ആപ്പിലൂടെ പരസ്യം ചെയ്താണ് ഒട്ടക ഇറച്ചിക്ക് ആവശ്യക്കാരെ കണ്ടെത്തിയിരുന്നത്. ഈ വാട്ട്‌സ്ആപ്പ് സന്ദേശങ്ങളാണ് ഒട്ടക കശാപ്പുകാരെത്തേടിയുള്ള അന്വേഷണത്തിലേക്ക് വഴിതെളിച്ചത്.
ചീക്കോട് ഒരു കിലോക്ക് 600 രൂപയും കാവനൂരില്‍ കിലോക്ക് 700 രൂപയുമാണ് ഒട്ടക ഇറച്ചിയുടെ വില. രാജസ്ഥാനില്‍ നിന്നാണ് ഒട്ടകങ്ങളെ കടത്തിക്കൊണ്ടുവരുന്നത്. ഒട്ടകത്തെ കൊന്ന് ഇറച്ചിയാക്കാന്‍ നിയമം അനുവദിക്കുന്നില്ല. ഒട്ടക ഇറച്ചി വില്‍ക്കുന്ന സംഘങ്ങളെ തേടി പൊലീസ് വിശദമായ അന്വേഷണം ആരംഭിച്ചു.
