പാറശാല: ട്രെയിനിൽനിന്നു വീണ യുവാവിന് രക്ഷകരായി റെയിൽവേ പൊലീസ്. തിങ്കൾ രാത്രി ഏഴോടെ പരശുവയ്‌ക്കൽ റെയിൽവേ ട്രാക്കിനു സമീപത്താണ്‌ അപകടം. വൈക്കം സ്വദേശിയായ ശിവകുമാറിനെ (25)യാണ്‌ പൊലീസ് രക്ഷിച്ചത്‌.
കൊല്ലം- –-നാഗർകോവിൽ പാസഞ്ചർ ട്രെയിനിലെ യാത്രക്കാരനായ ഇയാൾ ധനുവച്ചപുരം റെയിൽവേ സ്റ്റേഷൻ കഴിഞ്ഞപ്പോൾ ഗുളികയുമായി വാതിലിനുസമീപം നിൽക്കുന്നത് മറ്റൊരു യാത്രക്കാരൻ കണ്ടിരുന്നു. അദ്ദേഹം മുഖം കഴുകി തിരികെ വന്നപ്പോൾ ശിവകുമാറിനെ കണ്ടില്ല. ട്രെയിനിൽനിന്നു വീണെന്ന് മനസ്സിലാക്കിയ യാത്രക്കാരൻ പാറശാല സ്റ്റേഷനിലെ റെയിൽവേ പൊലീസിന് വിവരമറിയിച്ചു.
