നിയന്ത്രണം വിട്ട ബസ് തൊട്ടടുത്തുള്ള പൊലീസിന്‍റെ ട്രാഫിക് അയലന്‍ഡ് ഇടിച്ച് തകര്‍ത്ത് മറിഞ്ഞു. പരിക്കേറ്റവര്‍ ആദ്യം താലൂക്ക് ആശുപത്രിയിലും പിന്നീട് പെരുമ്പാവൂരിലെ സ്വകാര്യ ആശുപത്രിയിലും ചികിത്സ തേടി. ഒരു വിദ്യാര്‍ഥിയുടെയും അധ്യാപകന്‍റെയും ഭാര്യയുടെയും കു‍ഞ്ഞിന്‍റെയും പരിക്ക് സാരമുള്ളതാണ് ഇവരെ എറണാകുളത്തെ സ്വകാര്യ ആശുപത്രിയിലേക്ക് മാറ്റി.ബസിന്‍റെയും ലോറിയുടെയും ഡ്രൈവര്‍മാര്‍ക്കും പരിക്കേറ്റു. ബസ് ഡ്രൈവറുടെ അശ്രദ്ധയാണ് അപകടകാരണമെന്ന് സ്ഥലത്തെത്തി പരിശോധന നടത്തിയ മോട്ടോര്‍ വാഹനവകുപ്പ് ഉദ്യോഗസ്ഥര്‍ ആരോപിച്ചു. എന്നാല്‍, എംസി റോഡിലെ തിരക്കേറിയ ജംഗ്ഷനില്‍ രാത്രിക്കാലത്തെ അപകടങ്ങള്‍ക്ക് കാരണം വെളിച്ചക്കുറവാണെന്നായിരുന്നു നാട്ടുകാരുടെ പരാതി.
ജംഗ്ഷനിലെ ഹൈമാസ്റ്റ് ലൈറ്റ് തെളിഞ്ഞിട്ട് മാസങ്ങളായെന്നും നാട്ടുകാരനായ എസ്ബി പ്രകാശ് പറഞ്ഞു. രാത്രിയായാല്‍ സിഗ്നല്‍ ലൈറ്റുകള്‍ ഓഫാക്കിയിടുന്നതിനാല്‍ അമിത വേഗത്തിലാണ് ഇതുവഴി വാഹനങ്ങല്‍ കടന്നുപോകുന്നത്. ഹൈ മാസ്റ്റ് ലൈറ്റിലെ തകരാര്‍ പരിഹരിക്കാന്‍ ടെന്‍ഡര്‍ വിളിച്ച് കാത്തിരിക്കുകയാണ് പെരുമ്പാവൂര്‍ നഗരസഭ.
