കാസർകോട്‌> കേരളത്തിന് കേന്ദ്ര ബജറ്റിൽ ഒന്നുമില്ലെന്നും എല്ലാവരെയും നിരാശപ്പെടുത്തുന്നതാണ് ബജറ്റെന്നും സിപിഐ എം പൊളിറ്റ്‌ബ്യൂറോ അംഗം എം എ ബേബി പറഞ്ഞു. നിരാശയില്ലാത്തത്‌ അംബാനിയും അദാനിയും പോലുള്ളവർക്കു മാത്രമാണ്‌. അവർക്കായി കരാർപ്പണിയെടുക്കുകയാണ്‌ കേന്ദ്രസർക്കാർ.
ജനങ്ങളെ പറ്റിക്കാൻ നരേന്ദ്ര മോദി ഇതുവരെ ചെയ്തുവന്ന കാര്യങ്ങൾ ഈ ബജറ്റിലും കാണാം. സാമ്പത്തികാവലോകന റിപ്പോർട്ട്‌ ഇത്തവണയും അവതരിപ്പിച്ചില്ല. സാമ്പത്തിക സ്ഥിതിവിവരക്കണക്ക്‌ പുറത്തുവിടുന്നത്‌ നിർത്തിവച്ചു. സ്വകാര്യ കമ്പനികൾ ആയിരം വിമാനം വാങ്ങുന്നതുവരെ ബജറ്റിൽ നേട്ടമായി അവതരിപ്പിക്കുകയാണെന്നും ബേബി പറഞ്ഞു.
