പയ്യോളി : കുടുംബശ്രീ രജത ജൂബിലി ആഘോഷത്തോടനുബന്ധിച്ച് ചുവട് 2023 ൻ്റെ ഭാഗമായി പയ്യോളി നഗരസഭ ഡിവിഷൻ 35 ലെ സ്നേഹ കുടുംബശ്രീ പരിപാടികൾ സംഘടിപ്പിച്ചു. വയോജനങ്ങളെ ആദരിച്ചു. ഒ എൻ ജാനു , മഞ്ഞ വയലിൽ നാരായണി എന്നിവർ ആദരവ് ഏറ്റുവാങ്ങി.
ചടങ്ങ് സജില എം വി യുടെ അധ്യക്ഷതയിൽ ബൈജു ഇരിങ്ങൽ ഉദ്ഘാടനം ചെയ്തു.ഒ.കെ.സുരേഷ് ബാബു സംസാരിച്ചു.
അംഗങ്ങൾ സ്നേഹദീപം തെളിയിച്ചു.സുമിചന്ദ്ര സ്വാഗതവും സിന്ധു ഒകെ നന്ദിയും പറഞ്ഞു. തുടർന്ന് വിവിധ കലാപരിപാടികൾ അരങ്ങേറി.