കോട്ടയത്ത് സ്കൂള്‍ വിദ്യാര്‍ത്ഥികളുടെ കൂട്ടയടി, തടയാനെത്തിയ പൊലീസുകാരനെ അടിച്ച് നിലത്തിട്ടു, കര്‍ണ്ണപുടത്തിന് തകരാര്‍

Feb 22, 2024, 7:44 am GMT+0000 payyolionline.in

കോട്ടയം: കോട്ടയം ഉഴവൂരിൽ സ്കൂൾ വിദ്യാർഥികളുടെ തമ്മിലടിക്കിടെ മർദ്ദനമേറ്റ പൊലീസ് ഉദ്യോഗസ്ഥന്‍റെ കർണ്ണപുടത്തിന് തകരാർ.സംഭവത്തിൽ പ്രതികളെ എല്ലാം അറസ്റ്റ് ചെയ്തെങ്കിലും നടുറോഡിൽ നേരിടേണ്ടി വന്ന മർദ്ദനത്തിന്‍റെ ആഘാതത്തിലാണ് കുറുവിലങ്ങാട് സ്റ്റേഷനിലെ എസ് ഐ കെ.വി.സന്തോഷ്. ഉഴവൂർ ഒ എൽ എൽ ഹയർ സെക്കൻഡറി സ്കൂളിൽ ചൊവ്വാഴ്ച വൈകിട്ടായിരുന്നു പത്താം ക്ലാസ് വിദ്യാർഥികളും പ്ലസ് വൺ വിദ്യാർഥികളും ചേരി തിരിഞ്ഞ് തല്ലിയത്. ഇതറിഞ്ഞാണ് കുറുവിലങ്ങാട് പൊലീസ് സ്റ്റേഷനിലെ എസ് ഐ കെ.വി സന്തോഷും സംഘവും സ്ഥലത്തെത്തിയത്.

എന്നാൽ, വിദ്യാർഥികളിൽ ഒരു പക്ഷത്തെ സഹായിക്കാൻ പാലായിൽ നിന്നെത്തിയ യുവാക്കളുടെ സംഘം എസ് ഐ യെ അടിച്ചു നിലത്തിടുകയായിരുന്നു.നിലത്തു വീണിട്ടും പതറാതെ കൂടുതൽ പൊലീസിനെ വിളിച്ചു വരുത്തിയാണ് സന്തോഷ് അക്രമികളെ തുരത്തിയത്.എന്നാൽ, അക്രമത്തിൽ ഒരു കാതിന്‍റെ കർണപുടത്തിന് ഏറ്റ ക്ഷതമാണ് ഇപ്പോൾ സന്തോഷിനെ ബുദ്ധിമുട്ടിക്കുന്നത്.സംഭവവുമായി ബന്ധപ്പെട്ട് പാലാ സ്വദേശികളായ അനന്തു തങ്കച്ചൻ , അനന്തു, ആദർശ് സുരേന്ദ്രൻ എന്നിവരെ കഴിഞ്ഞ ദിവസം പൊലീസ് അറസ്റ്റ് ചെയ്തിരുന്നു. മൂവരെയും റിമാന്‍ഡ് ചെയ്തു.

പത്തനംതിട്ടയില്‍ ആരോഗ്യവകുപ്പിൽ ജോലി വാഗ്ദാനം ചെയ്ത് ലക്ഷങ്ങൾ തട്ടി; മുൻ സ്ഥാ .. തൂക്ക വഴിപാടിനിടെ കുഞ്ഞ് താഴെ വീണ സംഭവം; തൂക്കക്കാരനെ കൂടാതെ അമ്മയും ക്ഷേത്ര ..