കൊയിലാണ്ടി: കൊയിലാണ്ടി നഗരസഭ സ്വാന്തനം പാലിയേറ്റീവ് കെയർ യൂണിറ്റിന് എയർ ബെഡ്, സൈഡ്റെയിൽ കട്ടിൽ എന്നിവ കൊയിലാണ്ടി ബോയ്സ് സ്കൂൾ എൻ.എസ്.എസ് വിദ്യാർത്ഥികൾ സംഭാവന നൽകി. എയർ ബെഡ്, സൈഡ്റെയിൽ കട്ടിൽ എന്നിവ വളരെയധികം ആവശ്യമായി വന്നിരിക്കുന്ന അവസരത്തിലാണ് വിദ്യാർത്ഥികളുടെ സംഭാവനയായി ഇവ ലഭിച്ചതെന്ന് നഗരസഭ ചെയർപേഴ്സൺ സുധാ കിഴക്കേപ്പാട്ട് ഉപകരണങ്ങൾ ഏറ്റുവാങ്ങി കൊണ്ട് പറഞ്ഞു.
സ്വാന്തനം പാലിയേറ്റീവ് കെയർ യൂണിറ്റിന് ബോയ്സ് സ്കൂൾ എൻ.എസ്.എസ് വിദ്യാർത്ഥികൾ ഉപകരണങ്ങൾ കൈമാറുന്നു
ആശുപത്രിക്ക് ഉപകരണങ്ങൾ കൈമാറുന്ന ചടങ്ങിൽ ഇന്ദിര ടീച്ചർ, ഡ്യൂട്ടി ഡോക്ടർ സിന്ധു തെരേസ മാമച്ചൻ, പാലിയേറ്റിവ് നേഴ്സുമാരായ കെ .പി. നൗഷിദ, എസ്. എസ് അമൃത മറ്റു വളണ്ടിയർമാർ എൻഎസ്എസ് വിദ്യാർത്ഥികൾ, സ്കൂൾ എൻ.എസ്.എസ് ചുമതലയുള്ള അധ്യാപകർ എന്നിവർ പങ്കെടുത്തു
