കണ്‍സള്‍ട്ടന്‍സി സ്ഥാപനമായ കെപിഎംജിയുടെ ഡയറക്റ്റര്‍ ബോര്‍ഡ് അംഗവും പാര്‍ട്ണറുമാണ് അരുണ്‍കുമാര്‍. 2012 ഏപ്രിലില്‍ ഇന്ത്യയിലെ ആദ്യ ടെലികോം ബിസിനസ് ഇന്‍കുബേറ്ററായ സ്റ്റാര്‍ട്ടപ്പ് വില്ലെജ് തുടങ്ങിയപ്പോള്‍ മുതല്‍ ഇദ്ദേഹം ഉപദേശക സമിതി അംഗമാണ്. ഇന്‍ഫോസിസിന്‍റെ ക്രിസ് ഗോപാലകൃഷ്ണന്‍, ശാസ്ത്ര സാങ്കേതിക വകുപ്പിലെ ഡോ. എച്ച്.കെ. മിത്തല്‍, നാസ്കോം മുന്‍ പ്രസിഡന്‍റ് കിരണ്‍ കാര്‍ണിക് എന്നിവരാണ് ഉപദേശകസമിതിയിലെ മറ്റംഗങ്ങള്‍.
സംസ്ഥാന സര്‍ക്കാര്‍ വിദ്യാര്‍ഥിസംരഭക നയം പ്രഖ്യാപിച്ച എമെര്‍ജിങ് കേരള ആഗോള സംഗമത്തില്‍ അദ്ദേഹത്തിന്‍റെ സാന്നിധ്യം ശ്രദ്ധിക്കപ്പെട്ടിരുന്നു. കേരളത്തിലെ യുവ സംരംഭകരെ സിലിക്കണ്‍ വാലിയുമായി ബന്ധിപ്പിക്കാന്‍ വേണ്ട സഹായങ്ങള്‍ നല്‍കാമെന്ന് അരുണ്‍ കുമാര്‍ സംസ്ഥാന സര്‍ക്കാരിനെ അറിയിച്ചിട്ടുണ്ട്.
അദ്ദേഹത്തിന്‍റെ പിന്തുണയും ഉപദേശവും തങ്ങളുടെ വളര്‍ച്ചയ്ക്ക് ഏറെ സഹായകമായതായി സ്റ്റാര്‍ട്ടപ്പ് വില്ലെജ് ചെയര്‍മാന്‍ സഞ്ജയ് വിജയകുമാര്‍ പറഞ്ഞു. അരുണ്‍കുമാറുമായുള്ള ബന്ധം വളരെ അഭിമാനകരമാണെന്ന് സ്റ്റാര്‍ട്ടപ്പ് വില്ലെജ് സിഇഒ സിജോ കുരുവിള ജോര്‍ജ് പറഞ്ഞു.
