വടകരയിൽ വീടിന് തീപിടിച്ചു; ലക്ഷങ്ങളുടെ നാശനഷ്ടം

Jan 19, 2026, 2:11 pm GMT+0000 payyolionline.in

വടകര: കീഴല്‍ തൊഴിലാളി മുക്കില്‍ വീട് കത്തിനശിച്ചു. ലക്ഷങ്ങളുടെ നഷ്ടം കണക്കാക്കുന്നു. കുഴിപ്പറമ്പത്ത് ദീപുവിന്റെ വീടിനാണ് തിങ്കളാഴ്ച ഉച്ചക്ക് ഒരു മണിയോടെ തീപിടിച്ചത്. മേല്‍ക്കൂര പൂര്‍ണമായും കത്തി നശിച്ചു. വീട്ടുപകരണങ്ങളും തീവിഴുങ്ങി. സംഭവം നടക്കുമ്പോള്‍ വീട്ടില്‍ ആരും ഉണ്ടായിരുന്നില്ല. സമീപവാസികളുടെ ശ്രദ്ധയില്‍പെട്ടതിനു പിന്നാലെ വടകര ഫയര്‍ഫോഴ്‌സിനെ വിവരം അറിയിക്കുകയായിരുന്നു. അസി.സ്റ്റേഷന്‍ ഓഫീസര്‍ കെ.എം.ഷമേജ് കുമാറിന്റെ നേതൃത്വത്തില്‍ രണ്ട് യൂണിറ്റ് ഫയര്‍ ഫോഴ്‌സ് സംഘം എത്തി തീ അണച്ചു. സീനിയര്‍ ഫയര്‍ & റെസ്‌ക്യൂ ഓഫീസര്‍ ആര്‍ ദീപക്, ഫയര്‍ &റെസ്‌ക്യൂ ഓഫീസര്‍മാരായ കെ.സുബൈര്‍, കെ.റഷീദ്, എംഎം റിജീഷ് കുമാര്‍, എം.ടി.റാഷിദ്, വി.കെ.ബിനീഷ്, പി.ടി.കെ.സിബിഷാല്‍, പി.അഗീഷ്, ഹോം ഗാര്‍ഡ് മാരായ കെ.ബി.സുരേഷ് കുമാര്‍, എന്‍.സത്യന്‍ എന്നിവര്‍ രക്ഷാ പ്രവര്‍ത്തനത്തില്‍ പങ്കെടുത്തു.

കത്തിക്കയറി സ്വര്‍ണവില; ഉച്ചയ്ക്ക് ശേഷം വീണ്ടും വര്‍ധന കൊയിലാണ്ടി സ്പെഷ്യാലിറ്റി പോളിക്ലിനിക്കിൽ ജനുവരി 20 ചൊവ്വാഴ്ച പ്രവർത്തിക്കുന് ..