പയ്യോളി : കളഞ്ഞു കിട്ടിയ സ്വർണ്ണമാലയും പണം അടങ്ങിയ പേഴ്സും തിരികെ നൽകി ബസ് ജീവനക്കാര്‍ മാതൃകയായി. വടകര -കൊയിലാണ്ടി റൂട്ടിൽ ഓടുന്ന കെ എല്‍ -56- വൈ -1125 നമ്പർ സാരംഗ് ബസ്സിൽ നിന്നാണ് മൂന്നര പവൻ്റെ സ്വർണ്ണമാലയും പണവും അടങ്ങിയ പേഴ്സും കിട്ടിയത്. ബസ്സിലെ ജീവനക്കാരായ രാജേഷ് കാപ്പിരിക്കാട്ടിൽ, അക്ഷയ് കമ്പിവളപ്പിൽ എന്നിവരാണ് പയ്യോളി പോലീസ് മുഖാന്തിരം പേഴ്സിൻ്റെ ഉടമസ്ഥയായ എടക്കാട് സ്വദേശിനി ഷീനയ്ക്ക് തിരിച്ച് നൽകിയത്.
