വടകര: നാടെങ്ങും വിവിധ പരിപാടികളോടെ ഗാന്ധിജയന്തി ആഘോഷിച്ചു. വടകരയിലെ വിവിധ സാമൂഹിക, സാംസ്‌കാരികസംഘടനകളുടെ നേതൃത്വത്തില്‍ ഗാന്ധിപ്രതിമയ്ക്ക് മുന്നില്‍ പ്രതിജ്ഞ പുതുക്കി. സി.കെ. നാണു എം.എല്‍.എ. ഉദ്ഘാടനം ചെയ്തു. പുറന്തോടത്ത് ഗംഗാധരന്‍ അധ്യക്ഷത വഹിച്ചു.ടി. ബാലക്കുറുപ്പ്, ഡോ ടി എസ്സ് ബാലന്‍, പി.പി രാജന്‍, ഡോ: എ കെ രാജന്‍, അഡ്വ ഇ നാരായണന്‍ നായര്‍, പുറന്തോടത്ത് സുകുമാരന്‍, ടി ശ്രീനിവാസന്‍,അഡ്വ ലതിക ശ്രീനിവാസ്, ഒ.കെ ചന്ദ്രന്‍ എന്നിവര്‍ സംസാരിച്ചു. ഗാന്ധി സാഹിത്യ വേദി പ്രതിജ്ഞ ചടങ്ങ് നടത്തി. പ്രസിഡണ്ട്‌ എ.എം കുഞ്ഞിക്കണ്ണന്‍ അധ്യക്ഷത വഹിച്ചു. ഹരീന്ദ്രന്‍ കരിമ്പനപ്പാലം, വേണു ഗോപാലന്‍ പേരാമ്പ്ര, മനോജ്‌ ആവള, വി.പി രാജേന്ദ്രന്‍, കെ ജിതേഷ്, സി.കെ ഗോപാലന്‍ എന്നിവര്‍ സംസാരിച്ചു.
