കൊയിലാണ്ടി: കാലിക്കറ്റ് യൂണിവേഴ്സിറ്റി എ സോൺ ഫുട്ബോൾ മത്സരങ്ങൾക്ക് കൊയിലാണ്ടി ഗവ. കോളേജിൽ തുടക്കമായി. കാനത്തിൽ ജമീല എം എൽ എ പന്ത് തട്ടി മത്സരം ഉദ്ഘാടനം ചെയ്തു. തുടർന്ന് കായിക താരങ്ങളെ പരിചയപ്പെട്ടു. കോഴിക്കോട് ജില്ലയിലെ പന്ത്രണ്ടു കോളേജുകളിൽ നിന്നുള്ള പുരുഷ വിഭാഗം മത്സരങ്ങളാണ് ഇവിടെ നടക്കുന്നത്. പ്രിൻസിപ്പൽ ഡോ.സി വി ഷാജി, അൻവർ സാദത്, ഡോ. അനീഷ് ബാബു പി വി, ഡോ. മുരളീധരൻ, ബെന്നി ആയെന്റവിട എന്നിവർ പരിപാടിയിൽ സംബന്ധിച്ചു.
